NASLOVNICA
Moj izbor - dragulji iz riznice poezije PDF Ispis E-mail
Administrator   
Sadržaj
Moj izbor - dragulji iz riznice poezije
'Tri moja brata i ja'
'More i ja'
'Pjesma nad pjesmama'
'Moj grob'
'Gavran'
'Faust'
'Sjajne zvijezde'
'Bas prekrasan je bio maj'
'Jesenji dan'
'Barbara'
'Svakodnevna jadikovka'
'Khevenhiller,  A.D. 1579.'
'Modra rijeka'
'Pet Jablanova'
'U prozoru nebo'
'Dugo u noć, u gluhu zimsku noć'
'Želje'
'Balada iz pregrađa'
'Stara pjesma'
'Za tebe moja ljubavi'
'Opomena'
'Pri kamenitih vrati'

 

Miroslav Krleža

(1893 – 1981)

 

Khevenhiller,  A.D. 1579.

 

Nigdar ni tak bilo

da ni nekak bilo,

pak ni vezda ne bu

da nam nekak ne bu

 

Kajti: kak bi bilo da ne bi nekak bilo,

ne bi bilo nikak, ni tak kak je bilo.

 

Ar  je navek bilo da  je nekak bilo,

kaj je bilo, a  je ne, kaj neje nikak bilo.

 

Tak i vezda bude da nekak vre bude,

kak biti bude bilo da bi biti bilo.

 

Ar nigdar ni bilo da ni nišče bilo,

pak nigdar ni ne bu da niščega  ne bu.

 

Kak je tak je, tak je navek bilo,

kak bu tak bu, a bu vre nekak kak bu!

 

Kajti nemre biti i nemre se zgoditi,

da kmet ne bi trebal na tlaku hoditi.

 

Nigdar još ni bilo pak nigdar nemre biti,

da kmet neje moral na vojščinu iti.

 

Kajgod kadgod bilo, opet je tak bilo,

kak je bilo, tak je i tak bude bilo.

 

Kak je navek bilo, navek tak mora biti,

da muž mora iti festunge graditi,

 

bedeme kopati i morta nositi,

z repom podvinutim kakti kusa biti.

 

Kmet nezna zakaj tak baš mora biti,

da su kmeti gladni, a tabornjiki siti.

 

Ar nigdar ni tak bilo da ni nam tak bilo,

pak nigdar ni ne bu da kmet gladen ne bu,

 

kajti nigdar ne bu na  zemlji ni na nebu,

pri koncu pak Turčin potukel nas se bu.

 

A kmetu je sejeno jel krepa totu, tam

ili v katedrale v Zagrebu,

 

Gda drugog spomenka na grebu mu ne bu

neg pesji brabonjek na bogečkem grebu.

 

        *           *            *

        

              



 
« Prethodna   Sljedeća »